Fördervereen för dat Landesmuseum för Natur un Minsch in Oldenbör

2003 wor de Fördervereen för dat Museum för Natur un Minsch e.V. as „gemeinnützige“ Institution gründ mit de Absicht, dat Museum mit Ideen un Geld to helpen. Dor bi is wichtig, dat wiederhen unnersökt worden kann wat to de Kultur un de Natur van uns region dorto höört. Wieder is wichtig, dat de dorto tohörende Sammlungen erhollen blieft un utboot worden.

In´t Vördergrund steiht dorbi een Plaan, de dat Museum utarbeid hett: Dat Wesselspill tüschen de Natur un Kultur, tüschen Minschen un Natur uptowiesen.

Dat wichtigst Vörhebben van den Vereen is dor bi, dat Museum as Inrichtung wieder to bringen. Dor bi tohört to´n eersten de „Öffentlichkeitsarbeit“, un ok dat Verklaren van´t Sachverholen de tosamen hören. Nicht to vergäten is ok de Interß van´t Lüüd för de egen Geschichte, de man dor bi fördern kann.

Dit Vörhaben sett de Vereen um un maakt Fahrten to besünners Steden in uns Region. Dor bi streeft de Vereen een Tosamenarbeit met anner Vereenen in´t Region an, de sick mit Natur un Umweltschutz befaten.

De Vördeel van een Mitgliedschaap:

Wi willt Jo för Jo Engagement un för Jo Unnerstützung danken un Jo een paar Vergünstigungen geven:

• Mitglieder hebben jedertied freen Inträ in´t Museum, bi Utstellungen, bi Vördrääg un bi Filmförföhrungen.
• In´t Mitgliedsbidrag is dat jedes Johr herutkamende Johresheft van de Museumsschrift enthollen.
• Up all wat dat Museum an Böker un Schriften rut gäben deit, gift´t 20 % Rabatt.
• Wenn Se Mitglied sünd, worden Se exklusiv to jede Utstellung un to Vördrääg inladen.
• De Deelnahm an uns Fohrten is för Miglieder günstiger.
• De Vereen is „gemeinnützig“, dat heet Se könt Spennen un Bidrääg bi´t Finanzamt afsetten.

Wat köst de Mitgliedschaap?

As Privatperson hebbt Se in´t Johr 20 Euro to betahlen. Schöler un Studenten berappt 15 Euro. As heel Familie betahlt Se 30 Euro. As juristische Person oder as Personenvereinigung betahlen Se 50 Euro.

Uns Bankverbindung is:
Konto: 78 77 05
BLZ: 280 501 00
Landessparkasse zu Oldenburg
Dat Konto föhrt: Uwe Kramer

Wi – dat sünd de Vörstand, de Mitarbeider van´t Museum un de Mitglieder, to de Se ok bald tohören könnt. Wi wünscht uns een enge Tosamenarbeid tüschen´d Vereen un´t Museum.

De Vereensvörstand:

• Regina Engel 1.Vörsitter
• Evelyn Kloos Schriftföhrer
• Uwe Kramer Kassenwart
• Emil Wiese 1. Vertreder
• Etta Bengen 2. Vertreder

Nu weten Se Bescheed un hebbt de Wahl of Se sik aktiv inbringen willt oder of Se slichtweg mal umsünst in´t Museum kieken willt.